САФИРИ ЁЗДАҲУМИ СУЛҲИ СММ

                  Ню — Йорк, 5 декабр. (АМИТ «Ховар» — 1тв.ру). — Муншии умумии Созмони Милали Муттаҳид Пан Ги Мун мутриби машҳур Стиви Уандерро ба вазифаи ифтихории Сафири сулҳи СММ таъин намуд. Дар ин бора 3 декабр зимни таҷлили Рӯзи байналхалқии маъюбон хабар дода шуд.                    Вазифаи асосии С.Уандер, ки кӯри модарзод мебошад, ҳамчун сафири сулҳ расондани кӯмак ба одамони маъюб аст.                     Муншии умумии СММ зимни нишасти матбуотӣ тақдири мутриб ва овозхони машҳурро намунаи воқеии зиндагӣ ва заҳмати ҷавонони ҷаҳон номид, ки бо вуҷуди маъюбии ҷисмашон ба комёбиҳои бузург ноил гардида метавонанд. С.Уандер то имрӯз сазовори 25 ҷоизаи озмунҳои гуногуни минтақавию байналхалқӣ гардидааст. Қартаҳои овоз ва навори сурудҳои ӯ дар тамоми мамлакатҳои ҷаҳон паҳн гардидаанд.                   С.Уандер ёздаҳумин сафири сулҳи СММ таъин гардид, қабл аз ин ҳунарпешагони машҳур Майкл Дуглас, Ҷорҷ Клуни ва адиби Бразилия Паоло Коэло сафирони сулҳ таъин шуда буданд.