ТЕЪДОДИ ҲАВЗАҲОИ ИНТИХОБОТӢ МУҚАРРАР ШУДАНД

                  Душанбе, 24 декабр.(АМИТ «Ховар», Марзия Саидова).-Бо қарори иҷлосияи 20-уми Маҷлиси вакилони халқи шаҳри Душанбе, ки 24 декабр таҳти раёсати Раиси Маҷлиси вакилони халқи шаҳри Душанбе Маҳмадсаид Убайдуллоев баргузор гардид, Комиссияи шаҳрии интихобот ба Маҷлиси вакилони халқи шаҳри Душанбе ташкил карда шуд.                   Дар ҳайати Комиссияи шаҳрии интихобот намояндагони ҳизбҳои сиёсии кишвар -Ҳизби Халқии-Демократии Тоҷикистон, Ҳизби Демократии Тоҷикистон, Ҳизби Наҳзати Исломи Тоҷикистон ва намояндаи Ҳизби Коммунисти Тоҷикистон шомиланд.                   Ҳамчунин, дар иҷлосия ҳавзаҳои интихоботӣ барои интихоботи Маҷлиси вакилони халқи шаҳри Душанбе муқаррар карда шуд, ки теъдоди онҳо 70 ададро ташкил медиҳанд.                    Бояд зикр кард, ки интихоботи вакилон ба Маҷлисҳои маҳаллии вакилони халқ ва мақомоти худидораи маҳаллии шаҳрак ва деҳоти Ҷумҳурии Тоҷикистон тибқи Фармони Президенти ҷумҳурӣ 28 феврали соли 2010 гузаронида мешавад.