ЗАХИРАИ ТУХМӢ ДАР ХОҶАГИҲОИ ҶУМҲУРӢ

                    Душанбе, 24 декабр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, то моҳи декабри соли ҷорӣ дар ҳамаи корхонаҳои кишоварзӣ ва хоҷагиҳои деҳқонӣ (фермерӣ) 47540 тонна ғалладонаи тухмӣ, (аз он ҷумла гандуми тухмӣ 43164 тонна) захира намудаанд.                     Тибқи маълумоти ҳамин манбаъ, нисбат ба ҳамин давраи соли гузашта 33 фоиз ғаллаи тухмӣ, аз он ҷумла 32 фоиз гандуми тухмӣ ва 42 фоиз картошкаи тухмӣ зиёд захира карда шудааст. Дар баробари ин, захираи чигити тухмӣ мувофиқи талабот нест. Дар ин муддат ҳамагӣ 55 фоиз чигит захира карда шудааст.