ҶАМЪИЯТИ МАТЛУБОТ МАҲСУЛОТИ ЗАХИРАВИРО БА ФУРӮШ БАРОВАРД

                   Кӯлоб, 11 январ (АМИТ «Ховар», Сулаймон Холов). -Ҷамъияти матлуботи шаҳри Кӯлоб маҳсулоти захиравиро ба фурӯш баровард. Раиси ҷамъияти мазкур Мурод Назаров вобаста ба ин мавзӯъ гуфт, ки маҳсулотҳо аз 190 тонна ангишт, 58 тонна пиёз, 60 тонна картошка, 15 тонна ғаладонагӣ, 10 тонна мевагӣ ва маводҳои дигари хӯрока иборат буда, бо нархи нисбатан арзон дар мағозаҳои ҷамъияти матлуботи шаҳр пешкаши мизоҷон гардидааст.                     Ба гуфтаи М.Назаров гардиши мол дар давоми як соли сипаригардида беш аз 1 миллион сомониро дар бар мегирад, ки ин нисбат ба нақша зиёд мебошад. Мавриди зикр аст, ки кормандони ҷамъияти матлубот муроҷиатномаи Сарвари давлатро дастгирӣ карда, ба сохтмони НОБ — и Роғун якрӯза маоши кории худро ҳамчун хайрия ирсол намуда, ба маблағи 15 000 сомонӣ саҳмияҳои нерӯгоҳро харидорӣ карданд.