153 МЛН. СОМОНӢP ЗАРАР МУАЙЯН КАРДА ШУД

                    Душанбе, 21 январ. (АМИТ «Ховар», Лаззат Диловарзод).- Бино ба иттилои маркази матбуотии прокуратураи генаралӣ, соли 2009 чун соли муваффақиятҳои касбӣ барои кормандони соҳа дониста шуд.                     Дар натиҷаи гузаронидани 6181 санҷишхои прокурорӣ 153 млн. сомонӣ зарари аз тарафи шахсони ҳуқуқӣ ва инфиродӣ ба давлат расонидашуда муайян карда шудааст. Дар айни ҳол 89 млн. зарари расонидашуда ба буҷаи ҷумҳурӣ баргардонида шуд.                      Бино ба иттилои ҳамин манба, соли 2009 беш аз 12 ҳазор ҷиноят ба қайд гирифта шудааст, ки ин нисбат ба соли 2008 6,8 фоиз зиёд аст. Шумораи ҷиноятҳо вобаста ба куштор (131 ҳодиса), ҷиноятҳо бо истифода аз яроқи оташфишон (57 ҳодиса) ва гардиши ғайриқонунии маводи мухаддир (670 ҳодиса) ба қайд гирифта шудааст.                     Дар соли 2010 корҳои пешгирии ҷиноятҳо ба нақшаи кории кормандони ҳифзи ҳуқуқ, аз ҷумла прокуратура дохил карда мешавад, ки ин боиси кам шудани ҷинояткорӣ дар соли 2010 хоҳад шуд,- иброз дошт прокурори генералӣ Бобоҷон Бобохонов.