БО ИСТИФОДА АЗ ВАКОЛАТҲОИ МАНСАБӢ, РӮ БА ҶИНОЯТ ОВАРД

                   Душанбе, 8 январ. (АМИТ «Ховар», Лаззат Диловарзод).- Дар шӯъбаи пешгирии Агентии мубориза бо коррупсияи ҷумҳурӣ ба мухбири АМИТ «Ховар» иттилоъ доданд, ки директории ҷамъияти дорои масъулияташ маҳдуди «Ниёз» Саидов Нурмаҳмад Ниёзмаҳмадович бо истифода аз ваколатҳои мансабии худ тибқи ордери хароҷотии хазинавии рақами 657 аз 18 –уми ноябри соли 2005 аз номи сардори шӯъбаи комплекси ҶСНК «Водоканалпроект» Низомиддинов Парвиз барои иҷрои корҳои лоиҳакашӣ маблағи ба миқдори 23 ҳазору 356 сомонӣ гирифташударо қисман (12356 сомонӣ) ба хазинаи ҶСНК «Водоканалпроект» насупорида, онро аз они худ намудааст.                   Кормандони Агентӣ нисбати Н. Н. Саидов аз рӯи моддаи 245 қ. 2 (азонихудкунӣ) парвандаи ҷиноӣ боз намуда, тафтиш мебаранд.