БОНКИ РУШДИ ОСИЁ ЖУРНАЛИСТОНРО БА ТОШКАНД ДАЪВАТ МЕКУНАД
Душанбе, 12 январ. (АМИТ «Ховар», Наргис Бояхмедова). — Маҷлиси навбатии ҳарсолаи 43 – юми Бонки рушди Осиё аз 1 то 4 майи соли 2010 дар пойтахти Ҷумҳурии Ӯзбекистон – шаҳри Тошканд баргузор мегардад. Бонк намояндагони воситаҳои ахбори оммавиро даъват менамояд, ки дар ин маҷлис ширкат варзанд. Намояндагони воситаҳои ахбори оммавӣ то 19 апрел ба қайд гирифта мешаванд. Аз намояндагии доимии Бонки рушди Осиё дар Тоҷикистон ба АМИТ «Ховар» хабар доданд, ки дар маҷлиси имсола қариб 3 ҳазор нафар, аз ҷумла, сарони ҳукуматҳо, намояндагони бонкҳои марказӣ, вазирон, намояндагони сектори хусусӣ, олимон ва коршиносон ширкат хоҳад варзид. Дар маҷлис ҷараёни амалӣ сохтани барномаи стратегии Бонки рушди Осиё барои давраи то соли 2020 баррасӣ карда мешавад. Мухбири АМИТ «Ховар» ёдовар мешавад, ки қароргоҳи марказии Бонки рушди Осиё дар Манила ҷой дода шудааст. Ҳадафи фаъолияти бонк кам кардани сатҳи камбизоатӣ дар Осиё ва минтақаи уқёнуси Ором бо роҳи таъмини пешрафти иқтисодӣ, экологӣ ва ҳамгироии минтақавӣ мебошад. Айни ҳол 67 мамлакат аъзои Бонки рушди Осиё аст.
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
Ҷалби ташкилоти хориҷӣ ба Форуми байналмилалии «Dushanbe Invest 2025» баррасӣ гардид
«МегаФон Life»: осонтар, зудтар ва муносибтар аст
Имрӯз дар Тоҷикистон ҳавои тағйирёбанда шуда, сар задани селҳои пиряхӣ аз эҳтимол дур нест
Беш аз 50 хонаводаи маҳаллаи Деҳқонободи ноҳияи Мастчоҳ бо оби нӯшокӣ таъмин мегарданд
Лоиҳаи Харитаи роҳ доир ба татбиқи ташаббусҳо дар самти «Ояндабинии Осиёи Марказӣ– 2050» муаррифӣ шуд
Дар ноҳияи Ашт соҳилҳои рӯди маҳаллӣ мустаҳкам карда мешаванд
Дар Суғд ҷаласаи сайёри Кумитаи иҷроияи марказии Ҳизби Халқии Демократии Тоҷикистон доир гардид
Имрӯз дар Тоҷикистон сар задани селҳои пиряхӣ дар назар аст
