БУҶЕТИ ДАВЛАТИИ ТОҶИКИСТОН ДАР СОЛИ 2009

                  Душанбе, 19 январ. (АМИТ «Ховар», Покиза Маҳмадбекова). – Мувофиқи маълумоти вазорати молияи ҷумҳурӣ, маблағи умумии буҷети давлатии мамлакат дар соли 2009 – ум 5 миллиарду 316,8 миллион сомониро ташкил дод, ки ба 25,8 фоизи ҳаҷми Маҳсулоти умумии дохилии мамлакат баробар аст.                  Соли 2009 ба буҷети ҷумҳурӣ бештар аз 3,2 миллиард сомонӣ маблағи пардохти андоз ворид гардид, ки нисбат ба ҳамин давраи соли 2008 – ум 241, 3 миллион сомонӣ зиёд мебошад. Вуруди маблағҳои пардохти ғайриандоз 3,5 фоизи воридоти буҷетро ташкил доданд.                     Нақшаи қисми даромади буҷет дар давоми 11 моҳи соли гузашта барзиёд иҷро шуд ва 92,9 миллион сомониро ташкил дод.