ГУРӮҲИ МУТАШАККИЛИ БАЙНАЛМИЛАЛИИ ҶИНОӢ БАРҲАМ ДОДА ШУД

                  Душанбе, 25 январ. (АМИТ «Ховар», Наталя Михайлова). – Кормандони Раёсати зудамали Агентии назорати маводи нашъадори ҷумҳурӣ моҳи январи соли равон дар ҳудуди ноҳияи Ҳамадонӣ, ки бо Афғонистон ҳамсарҳад мебошад, гурӯҳи калони муташаккили байналмилалии ҷинояткорро барҳам доданд. Аъзои гурӯҳ муддати тӯлонӣ ба қочоқи маводи нашъадор машғул буданд. Онҳо маводи нашъадорро аз Афғонистон ба Тоҷикистон оварда ва аз ин ҷо ба Федератсияи Русия интиқол медоданд.                  22 январ дар натиҷаи амалиёти махсус сардори гурӯҳи ҷинояткор – шаҳрванди 31 – солаи Афғонистон дастгир карда шуд. Аз ӯ дар ҷараёни амалиёт бештар аз 43 килограмм маводи нашъадор, аз ҷумла хашиш ва канабис мусодира карда шуд.                     Сардори гурӯҳи ҷинояткор айни ҳол дар ҳабсхонаи муваққатӣ нигоҳ дошта мешавад.