ХАТИ БАРҚИ МУСТАҚИЛИ ХУҶАНД-МАСТЧОҲ

                 Суғд.28 январ. (АМИТ «Ховар», Мирзалӣ Амонов).-Бо супориши Сарвари давлат сохтмони хати барқи мустақили Хуҷанд-Мастчоҳ, ки ноҳияи Мастчоҳро бо системаи воҳиди энергетики мамлакат мепайвандад, оғоз шудааст.                    Лоиҳа-схемаи бунёди ин хати барқи мустақил аз ҷониби институти лоиҳакашии «Тоҷикгидропроект» тайёр шуда, хати барқи 220 ва 110 киловаттаи Хуҷанд-Мастчоҳро ширкати «Барқсоз» ва зеристгоҳи онро дар мавзеи Дилварзин – 3 идораи «Тоҷикгидроэнергомонтаж» бунёд менамоянд.                    Аз ҷониби гурӯхи кории Ҷумҳурии Тоҷикистон ба идораҳои марбута супориш дода шуд, ки корро дар ду самт ташкил карда, шинондани такягоҳҳои металлӣ дар ҳудуди заминҳои кишоварзӣ дар навбати аввал анҷом дода шавад, мошину механизмҳо ва қувваи кории иловагӣ ба кор сафарбар гардад. Ин имкон медиҳад, ки дар мӯҳлати пешбинишуда – то 15 марти соли равон ин хати барқи мустақил ба ноҳияи Мастчоҳ сохта ба истифода дода шавад.