КАШФИ ИҚОМАТГОҲИ 3 ҲАЗОР СУҒДНАЖОД ДАР ПАНҶАКЕНТ
Душанбе, 12 январ. (АМИТ «Ховар», Бекназари Абӯбакр). — Дар ноҳияи Панҷакент дар натиҷаи кофтуковҳои археологӣ аз зери чор қабат хок кӯшки мудаввари сеошёнае ёфт гардид, ки мансуб ба қарнҳои 5-8-и мелод будааст. Ин бозёфти беназир аз ҷониби олимони бостоншиноси тоҷику швейтсарӣ, дар мавзеи ёдгории таърихии Дижи Санҷаршоҳ, воқеъ дар 12-километрии шарқи шаҳри Панҷакент, кашф карда шуд. Тавре дар Пажӯҳишгоҳи таърих ва бостону мардумшиносии ба номи Аҳмади Дониши шаҳри Панҷакент иттилоъ доданд, кӯшки мазкур бо санъати меъмории суғдӣ ороиш ёфта, он ба шакли оташкадаи суғдиён бунёд шудааст. Даври ин кӯшк бо нақшҳои ориёӣ ороиш дода шуда, миёни кӯшки бозёфтшуда як қалъаи дидбонгоҳӣ низ мавҷуд аст, ки он аз ҷониби ҳокимони Суғд ва барои корвониёни роҳи абрешим ҳамчун гузаргоҳи гумрукӣ хидмат мекардааст. Гуфтанист, ки ин дижи Санҷаршоҳ якҷо бо кӯшке, ки аз зери чаҳор қабат хок дарётф шудааст, иборат аз куҳандиж, шаҳристон ва оромгоҳ (некропол) буда, дар он тақрибан ҳудуди 3 ҳазор сокинони суғднажод ба сар мебурдаанд.
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
