МУЛОҚОТИ РОҲБАРОНИ ҶАМЪИЯТҲОИ ҲИЛОЛИ АҲМАРИ ТОҶИКИСТОНУ ЭРОН
Душанбе, 5 января. (АМИТ «Ховар», Фарангис Раҳимова). — 4 январ дар шаҳри Душанбе дар доираи сафари расмии президенти Ҷумҳурии Исломии Эрон Маҳмуд Аҳмадинажод ба Тоҷикистон мулоқоти роҳбарони ҷамъиятҳои Ҳилоли Аҳмари Тоҷикистон Зафар Муҳаббатов ва Ҳилоли Аҳмари Эрон доктор Саид Масъуд Хотамӣ баргузор гардид. Зимни мулоқот масъалаҳои ҳамкории минбаъдаи ҷамъиятҳои Ҳилоли Аҳмари ҳар ду мамлакат муҳокима шуданд. Доктор С.Хотамӣ дар бораи муносибатҳои хайрхоҳонаи халқҳои ҳар ду кишвар, забон, дин ва фарҳанги умумии онҳо сухан ронда, изҳор дошт, ки ҷамъиятҳои Ҳилоли Аҳмари ҳар ду кишвар дар асоси ҳамин умумиятҳо самарабахш ҳамкорӣ карда метавонанд. Зафар Муҳаббатов зикр кард, ки Ҷамъияти Ҳилоли Аҳмари Эрон дар фаъолияти байналмилалии ҷамъиятҳои Салиби Сурх ва Ҳилоли Аҳмар мавқеи фаъолона ва пешбар дорад. Бинобарин мо ба равнақу ривоҷи ҳамкорӣ бо ҷамъияти мазкур умедворем. З.Муҳаббатов ба ҳамсӯҳбаташ пешниҳод кард, ки барои густариши ҳамкорӣ дар Тоҷикистон намояндагии Ҷамъияти Ҳилоли Аҳмари Эрон таъсис дода шавад.
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
Ҷалби ташкилоти хориҷӣ ба Форуми байналмилалии «Dushanbe Invest 2025» баррасӣ гардид
«МегаФон Life»: осонтар, зудтар ва муносибтар аст
Имрӯз дар Тоҷикистон ҳавои тағйирёбанда шуда, сар задани селҳои пиряхӣ аз эҳтимол дур нест
Беш аз 50 хонаводаи маҳаллаи Деҳқонободи ноҳияи Мастчоҳ бо оби нӯшокӣ таъмин мегарданд
Лоиҳаи Харитаи роҳ доир ба татбиқи ташаббусҳо дар самти «Ояндабинии Осиёи Марказӣ– 2050» муаррифӣ шуд
Дар ноҳияи Ашт соҳилҳои рӯди маҳаллӣ мустаҳкам карда мешаванд
Дар Суғд ҷаласаи сайёри Кумитаи иҷроияи марказии Ҳизби Халқии Демократии Тоҷикистон доир гардид
Имрӯз дар Тоҷикистон сар задани селҳои пиряхӣ дар назар аст
