СӮХТОР ДАР ТЕАТР

                  Душанбе, 22 январ. (АМИТ «Ховар», Жасмин Назарова). – Шабонарӯзи 22 январи соли ҷорӣ аз тарафи посбони театри давлатии русӣ-драмавӣ ба номи В. Маяковский ба шӯъбаи оташнишонии 01 хабар дода шуд.                   Ҳангоми ба ҷои ҳодиса расидани гурӯҳи оташнишонӣ, болопӯши анбори ороиш ва утоқҳои либоспӯшии кормандони театри мазкур дар масоҳати 250 метри мураббаъ оташ фаро гирифт.                    Тибқи иттилои корманди маркази матбуоти Сарраёсати хадамоти давлатии оташнишонии ВКД ҶТ майор Кароматулло Абдуллоев, сӯхторро 61 нафар кормандони сӯхторхомӯшкунӣ бо 8 адад мошини оташнишонӣ дар муддати 30 дақиқа хомӯш намуданд.                     Нисбати ин ҳодиса шӯъбаи тафтишоти ХДО сабаб ва зарари сӯхторро муайян мекунад.