БО ВУ&#1206УДИ Б&#1262&#1202РОНИ МОЛИЯВ&#1250 ИСТЕ&#1202СОЛИ МА&#1202СУЛОТИ САНОАТ&#1250 ЗИЁДШУДААСТ

Душанбе, 1 феврал. (АМИТ «Ховар», Лаззат Диловарзод).- Бӯҳрони молиявие, ки тамоми оламро фаро гирифтааст,  дар давоми моҳҳои январ – декабри соли 2009  ба корхонаҳои саноатии Вазорати энергетика ва саноати ҶТ чандон таъсир накард, дар ин бора дар вазорати мазкур ба мухбири АМИТ «Ховар» иттилоъ доданд. Бино ба гуфти вазири энергетика ва саноати ҷумҳурӣ Гул Шералӣ дар моҳҳои январ – декабри соли 2009 дар корхонаҳои саноатии вазорат ба маблағи 1 млрд. 534, 9 млн. сомонӣ   маҳсулоти саноатӣ истеҳсол карда шудааст, ки нисбат ба соли 2008 6, 2 фоиз зиёд аст. Аммо нишондиҳандаҳо дар корхонаҳои коркарди пахта чандон хуб нест. Дар соли 2009 дар ин корхонаҳо ҳамагӣ ба маблағи 541, 1 млн. сомонӣ маҳсулоти саноатӣ истеҳсол карда шудааст, ки ин нисбат ба соли 2008 11,6 фоиз кам аст. Корхонаҳои дар ҳайати вазорат набуда ҳам нисбат ба соли 2008 10,8 фоиз камтар маҳсулот бароварданд.