ДЕҲҚОНОН БОЗ 5 СОЛ НИГАРОН ХОҲАНД ШУД

 Душанбе, 18 феврал (АМИТ «Ховар», Лаззат Диловарзод).-  Парки мошину трактории соҳаи аграрӣ хизмати худро пурра адо намуд. Айни замон дар хоҷагиҳои деҳқонӣ (фермерӣ) – и ҷумҳурӣ  14 ҳазор тракторҳо мавриди истифода қарор доранд, ки мӯҳлати истифодабарии онҳо кайҳо гузаштааст. Кӯҳнашавии техника  хароҷоти сӯзишвориро 15 – 20 фоиз зиёд мекунад, ки ба нархи маҳсулот бе таъсир намемонад. Бояд тазаккур дод, ки соҳаи кишоварзӣ дар як сол ба 240 ҳазор тонна сӯзишворӣ ниёз дорад ва дар сурати 15 – 20 фоиз зиёд шудани хароҷоти сӯзишворӣ ин ниёзмандӣ ба 280 – 300 ҳазор тонна мерасад. Барои бо техникаи кишоварзӣ таъмин намудани  деҳқонон (фермерҳо) боз 7 ҳазор трактор лозим аст. Дар сурати ҳар сол ворид шудани 500 —  700  техникаи нав деҳқонон баъди 5 сол пурра бо техникаи кишоварзӣ таъмин мегрданд, — иброз доштанд дар Раёсати   ояндабинӣ ва сиёсати техникии  вазорати кишоварзӣ  ба мухбири АМИТ «Ховар».