ФУРӮШИ САҲМИЯҲО ДАВОМ ДОРАД

Душанбе,   9  феврал. (АМИТ «Ховар»,  Покиза  Маҳмадбекова). —  Ҷамъияти  саҳҳомии «Бонки  Рушди  Тоҷикистон» дар  ҷавоби  даъвати  Президенти  мамлакат  Эмомалӣ  Раҳмон саҳмияҳои  НБО «Роғун» — ро  ба  маблағи  4  миллиону  400  ҳазор  сомонӣ  харид. Кормандон ва  мизоҷони  бонк  ба  маблағи 1  миллиону 829 ҳазору 400  сомонӣ  саҳмия  хариданд.  Хариди  саҳмияҳо  дар  бонк   давом  дорад. Мухбири  АМИТ «Ховар»  хабар  медиҳад, ки  маблағи  айни  ҳол  дар  муомилотбудаи  бонк  100  миллиону  26  ҳазору  983  сомониро  ташкил  медиҳад, ки  нисбат  ба   соли  2008  хеле  зиёд  аст. Тавозуни  сармояи  бонк  ба  66 миллиону 247  ҳазору  419  сомонӣ  расид.  Бонки  Рушди  Тоҷикистон  соли  2009 ба  корхонаю  муассисаҳо  ба  маблағи  103,1  миллион  сомонӣ қарз  дод.  Маблағи   интиқоли  пул  аз  хориҷи  кишвар  ба  воситаи  бонк  дар  давоми  соли 2009 – ум  30  миллиону  703  ҳазору  100 доллари  ИМА –ро ташкил  дод.