КӮМАКИ 44 ДАВЛАТИ ХОРИҶӢ БА ТОҶИКИСТОН

Душанбе, 1 феврал. (АМИТ «Ховар», Лаззат Диловарзод).- Бино ба иттилои Кумитаи давлатии омор, дар   соли 2009 ба Ҷумҳурии Тоҷикистон аз мамлакатҳои хориҷи дуру наздик ба маблағи 84 млн. 347 ҳазор доллар ё 83 ҳазору 996 тонна ёрии башардӯстона ворид шудааст, ки аз ин 31 ҳазору 347 тонна орд, 13 ҳазору 411 тонна гандум, 1653 тонна равғани растанӣ, ба маблағи 33 ҳазору 411 доллар доруворӣ, ба маблағи 3 млн. 886 доллар либос ва пойафзол, ҳамчунин ба маблағи садҳо ҳазор доллар кӯрпаю болишт, дастгоҳҳои тиббӣ, асбобҳои маишии электронӣ, компютерҳо ва қисмҳои эҳтиётӣ барои онҳо ворид гардидааст. Таносуби бештар аз рӯи арзиши ёрии башардӯстона ба ИМА – 36,5 фоиз, Русия – 16,1, Қазоқистон – 13,5, Латвия – 8,7, ва Олмон – 5,8 фоиз рост меояд.