МАҲСУЛОТИ КИШОВАРЗӢ 5,2 ФОИЗ АФЗУД

Душанбе, 25 феврал, (АМИТ «Ховар», Лаззат Диловарзод).-  Дар Раёсати растанипарварии Вазорати кишоварзӣ ба мухбири АМИТ «Ховар» иттилоъ доданд, ки дар моҳи январи соли ҷорӣ дар ҳамаи сохторҳои хоҷагӣ ҳаҷми маҳсулоти умумии кишоварзӣ  139, 9 миллион сомониро ташкил намуд, ки ин нисбат ба ҳамин давраи соли 2009 5,2 фоиз зиёд мебошад. Аз ҷумла, маҳсулоти соҳаи растанипарварӣ 0,5 млн.сомонӣ ё 2,1 фоиз ва чорводорӣ 139,4 млн. сомонӣ ё ба андозаи  5, 2 фоиз афзудааст. Ҳаҷми маҳсулоти умумии кишоварзӣ дар ҳама  сохторҳои хоҷагиҳои вилояти Суғд 58,2 млн. сомонӣ, вилояти Хатлон 48,0 млн., ВМКБ – 2,4 млн. ва НТҶ – 31,3 млн.  сомониро ташкил намуд, ки мутаносибан нисбат ба ҳамин давраи соли 2009 3,6, -8,2, 9,9 ва 3,3 фоиз зиёд аст.