МУАССИСАҲОИ БУҶАВӢ ЧАНД СОАТ БО НЕРӮИ БАРҚ ТАЪМИН МЕШАВАНД?

     Душанбе, 8 феврал.(АМИТ «Ховар», Марзия Саидова).-Бо мақсади  истифодаи сарфаҷӯёнаи нерӯи барқ ва пешгирӣ аз ҳодисаҳои сӯхтор, инчунин самаранок истифодабарии вақти корӣ дар тамоми муассисаҳои буҷавии дорои реҷаи кории якбастаи муқими шаҳр муддати як моҳ интиқоли нерӯи  барқ аз соати 6-30 –и субҳ то 19-00 –и шом таъмин карда мешавад. Дар ин хусус аз хадамоти матбуотии Раиси шаҳр ба АМИТ «Ховар» иттилоъ доданд.          Бо ин мақсад Раиси шаҳри Душанбе Маҳмадсаид Убайдуллоев дар ҷаласаи шаҳрдорӣ, ки 8 феврал баргузор шуд,  ба масъулини ҶСК «Шабакаҳои барқи шаҳри Душанбе» супориш дод, ки ибтидо аз иншооти Мақомоти иҷроияи маҳаллии ҳокимияти давлатӣ дар шаҳр ва ноҳияҳои Душанбе дар мӯҳлати як моҳ татбиқи муқаррароти мазкурро барои кулли корхонаҳои буҷавии дар ҳудуди пойтахт қарор дошта,  амалӣ созад.