МУЛОҚОТИ ДУЮМИ НАМОЯНДАГОНИ ВКХ МАМЛАКАТҲОИ ОСИЁИ МАРКАЗӢ
Душанбе, 19 феврал. (АМИТ «Ховар», Покиза Маҳмадбекова). — 17 феврал дар шаҳри Алмаато мулоқоти дуюми ҳарсолаи муовинони вазирони корҳои хориҷии мамлакатҳои Осиёи Марказӣ баргузор гардид. Мулоқоти мазкурро Маркази минтақавии дипломатияи пешгирикунандаи СММ ташкил намуд. Аз Тоҷикистон дар мулоқот муовини вазири корҳои хориҷӣ Маҳмудҷон Собиров иштирок намуд. Иштирокчиёни мулоқот масъалаҳои вусъат бахшидани ҳамкории минтақавӣ ва мусоидати Маркази минтақавии СММ –ро дар пешгирии таҳдидҳои халалдор сохтани суботи вазъият ва рушди устувори минтақа муҳокима намуданд. Аз ҷумла, ташаббусҳои марбут ба пурзӯр намудани мубориза ба муқобили ҷиноятҳои байналмилалӣ, мӯътадил сохтани вазъияти Афғонистон, истифодаи оқилонаи захираҳои обу энергетика, таъмини амнияти экологӣ ва натиҷаҳои фаъолияти Маркази минтақавии СММ дар соли 2009 мавриди баррасӣ қарор гирифтанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






