МУЛОҚОТИ НАМОЯНДАГОНИ ВАЗОРАТҲОИ КОРҲОИ ХОРИҶИИ МАМЛАКАТҲОИ ОСИЁИ МАРКАЗИ
Душанбе, 24 феврал. (АМИТ «Ховар», Наргис Бояхмедова). — 23 феврал дар пойтахти Туркманистон — шаҳри Ашқобод машварати дуюми намояндагони вазоратҳои корҳои хориҷии мамлакатҳои Осиёи Марказӣ бахшида ба масъалаҳои омодагӣ ба конфронси байналхалқии проблемаҳои халъи силоҳ дар минтақаи Осиёи Марказӣ ва ҳавзаи баҳри Хазар баргузор гардид. Дар мулоқот намояндагони вазоратҳои корҳои хориҷи ва намояндагиҳои дипломатии Туркманистон, Озарбойҷон, Эрон, Қирғизистон, Қазоқистон, Тоҷикистон, Ӯзбекистон ва Русия ширкат варзиданд. Онҳо лоиҳаи рӯзномаи конфронсро муҳокима намуданд. Рӯзномаи конфронс масъалаҳои таҳлили вазъияти халъи силоҳ дар минтақаҳои Осиёи Марказӣ ва ҳавзаи баҳри Хазар, заминаи байналхалқию ҳуқуқии халъи силоҳ ва нақши созмонҳои байналхалқӣ дар ҳалли масъалаҳои халъи силоҳ дар саросари ҷаҳон ва минтақаро дар бар мегирад. Мулоқот нишон дод, ки ҳамаи давлатҳои Осиёи Марказӣ ва ҳавзаи баҳри Хазар ба анҷоми муваффақонаи конфронси байналмилалӣ манфиатдоранд. Конфронси мазкур бояд дар маҷмӯи тадбирҳои ҷомеаи ҷаҳон барои таъмини амният ва вазъияти босуботи тамоми ҷаҳон омили муҳим гардад. Мухбири АМИТ «Ховар» хабар медиҳад, ки дар фарҷоми мулоқот баёния қабул карда шуд.
Дар шаҳри Турсунзода байни духтарон эстафетаи футбол, машқҳои шавқовар ва озмунҳои гуногун доир карда шуд
Намояндагони воситаҳои ахбори омма бо натиҷаҳои татбиқи лоиҳаҳои Барномаи рушди СММ дар вилояти Суғд шинос мешаванд
Имрӯз дар водиҳои Тоҷикистон ҳаво то 39 дараҷа гарм мешавад
Хадамоти назорати давлатии бехатарии корҳо дар саноат ва соҳаи кӯҳкорӣ оид ба риояи талаботи бехатарии саноатӣ машварат доир намуд
Имрӯз дар шаҳри Душанбе ҳаво то 34 дараҷа гарм мешавад
Дар ноҳияҳои Панҷ, Фархор ва Ҳамадонӣ раванди корҳои соҳилмустаҳкамкунӣ пурзӯр карда мешаванд
Имрӯз дар водиҳои Тоҷикистон ҳаво то 37 дараҷа гарм мешавад
Дар Душанбе бо иштироки муовини Сарвазири Тоҷикистон оид ба пешгирии талафот ва истифодаи ғайриқонунии неруи барқ ҷаласа доир шуд
Имрӯз дар шаҳри Душанбе рӯзона ҳаво то 35 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
Аҳамияти ҳуқуқии таъсиси Ҷоизаи байналмилалии Президенти Тоҷикистон дар соҳаи об. Назари коршинос дар ин хусус
