ОҒОЗИ КОРҲОИ ТАЙЁРӢ БА СОХТМОНИ ТУННЕЛ

           Душанбе, 28 феврал. (АМИТ «Ховар», Кристина Эрлих). — Сардори Раёсати умумии сохтмони хоҷагии роҳҳои Вазорати нақлиёт ва алоқа Алоуддин Аноятшоев ба АМИТ «Ховар» хабар дод, ки тибқи нақша роҳҳои нақлиётӣ то даромадгоҳи туннели Чормағзак бояд то миёнаҳои моҳи март сохта шаванд. Сипас сохтмони худи туннел оғоз меёбад.           Тавре хабар дода шуда буд, сохтмони туннели Чормағзакро ширкати Чина Роуди Ҷумҳурии Мардумии Чин ба зимма гирифтааст. Хароҷоти сохтмони туннел 64 миллион доллари ИМА ва дарозии он 4 километру 450 метр мебошад. Туннели мазкур дар роҳи мошингарди Душанбе — Кӯлоб – Хоруғ – Мурғоб — Қулма — сарҳади Чин сохта мешавад.