ТАЪСИРИ МУҲОҶИРАТ БА ШАРОИТИ ЗИНДАГИИ БАЧАГОН

Душанбе,  18  феврал. (АМИТ «Ховар», Таҳмина  Ғоибназарова). —  Имрӯз  дар толори  маҷлисҳои  Иттифоқи  журналистони  Тоҷикистон  бо ташаббуси  Пажӯҳишгоҳи  масъалаҳои  ҷанг ва  сулҳ дар  доираи барномаи «Эҳтироми ҳуқуқи  инсон  ва  маърифати  ҳуқуқӣ  бо  кӯмаки  воситаҳои  ахбори оммавӣ  дар  Осиёи  Марказӣ»  ҳамроҳи  Муассисаи  барҳам додани  меҳнати  бачагонаи  Созмони  байналмилалии  меҳнат  дар  мавзӯи  «Меҳнати  бачагон —  натиҷаи   муҳоҷирати  коргарон»  машварат  баргузор  мегардад. Дар он  намояндагони  сохторҳои  давлатӣ,  созмонҳои байналмилалӣ,  воситаҳои  ахбори  оммавӣ  ва   созмонҳои  ғайридавлатию  ғайритиҷоратӣ  ширкат  меварзанд. Онҳо  масъалаҳои гуногуни   таъсири  муҳоҷирати  меҳнатиро  ба  шароити  зиндагии  бачагон  мавриди  муҳокима  қарор  хоҳанд  дод.  Аз  рӯи  натиҷаҳои  муҳокима   пешниҳодҳо  ва тавсияҳо  қабул  карда  мешаванд.