ТОҶИКИСТОН ҲАВАСМАНДИ РУШДИ ҲАМКОРИҲО БО ТУРКМАНИСТОН
Душанбе, 13 феврал. (АМИТ «Ховар», Бекназари Абӯбакр). — 12 феврал дар ҳузури Сарвазири Ҷумҳури Тоҷикистон Оқил Оқилов оид ба баррасии рушди муносибатҳои Ҷумҳурии Тоҷикистон бо Ҷумҳурии Туркманистон ҷаласа доир гардид. Дар он рафти иҷрои муқаррароти ҷаласаи дуюми байниҳукуматии Тоҷикистону Туркманистон оид ба ҳамкориҳои иқтисодӣ, ки моҳи ноябри соли 2009 дар шаҳри Душанбе доир гардида буд, баррасӣ карда шуд. Инчунин, масоили густариши ҳамкориҳои иқтисодию тиҷоратии Тоҷикистон бо Туркманистон ва вусъат додани равобит дар самти илму маориф ва ғайраҳо мавриди таҳлилу муҳокима қарор дода шуд. Оқил Оқилов роҳбарони вазорату идораҳои дахлдори ҷумҳуриро вазифадор кард, ки барои ҳарчӣ бештар вусъат бахшидани ҳамкориҳо бо Туркманистон дар бахшҳои саноат, энергетика, нақлиёт ва коммуникатсия ва амсоли инҳо тадбирҳои зарурӣ андешанд. Мавриди ёдоварист, ки муносибатҳои дипломатии Ҷумҳурии Тоҷикистон бо Ҷумҳурии Туркманистон соли 1993 оғоз гардида, соли 1995 Сафоратхонаи Тоҷикистон дар Ашқобод кушода шуд. Ба Ҷумҳурии Тоҷикистон аз Ҷумҳурии Туркманистон асосан нефт ва маҳсулоти нефтӣ ворид карда шуда, гардиши мол миёни ин ду кишвар дар соли 2009-ум 63,9 миллион доллари ИМА-ро ташкил дод.
Имрӯз дар баъзе ноҳияҳои Тоҷикистон туман мефарояд
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
