ТОҶИКИСТОН ДАР НАМОИШГОҲИ БАЙНАЛХАЛҚИИ КИТОБ ШИРКАТ МЕВАРЗАД

Душанбе, 10  феврал. (АМИТ «Ховар», Таҳмина  Ғоибназарова). —  Имрӯз  дар  маркази намоишгоҳҳои  пойтахти  Белорусия —  шаҳри  Минск – «Белэкспо» намоишгоҳи байналхалқии  17  — уми  китоб кушода  мешавад. Дар  намоишгоҳи  мазкур   Ҷумҳурии  Тоҷикистон  низ  ширкат  меварзад. Дар он  китобҳои  нашриётҳои   «Маориф», «Фарҳанг», «Адиб» ва «Эр – Граф»  намоиш дода  хоҳанд шуд. Хабар дода  мешавад, ки  нависанда Ато  Ҳамдам  ва директори нашриёти  «Эр – Граф»  Тоҳир  Раҷабов  дар   машварати  байналхалқӣ   таҳти  унвони  «Сухани бадеӣ — роҳи  ҳамдигарфаҳмӣ»  ширкат  хоҳанд  варзид.  Дар  ин  машварат адибону  ноширони  Белорусия,  Фаронса, Украина ва  Литва  иштирок  хоҳанд  кард.