ҶАЛАСАИ СИТОД
Шаҳраки Сомониён, 15 март. (АМИТ «Ховар»,Ҳотам Рабиев).- Дар ҷамоати Эсанбойи ноҳияи Рӯдакӣ ҷаласаи сайёри мубориза бар зидди малах баргузор гардид.Ҳадафи асосии ситод мубориза ва роҳ надодан ба паҳншавии малах ва эмин нигоҳ доштани зироатҳои кишоварзӣ дар ҳудуди деҳоти Эсанбой мебошад. Тавре муовини аввали раиси ноҳияи Рӯдакӣ, сардори ситоди мазкур Мамараҳим Юсуфов ба хабарнигори АМИТ «Ховар» иброз дошт, дар ҷаласа мутахассисони худи ноҳияи Рӯдакӣ, фаъолони ҷамоат, мутахассисон аз вазорати кишоварзӣ, масъулин аз ноҳияҳои Ҳисор, Шаҳринав ва Турсунзода иштирок доштанд. Дар кори ҷаласа раиси ноҳияи Рӯдакӣ Мансур Қодиров низ ширкат ва дар назди масъулин вазифаҳои мушаххас гузошт, то бар зидди малах — ин офати сарсабзиҳо муборизаи дастаҷамъона баранд. Боиси тазаккур аст, ки шурӯъ аз соли 2006 инҷониб дар ҳудуди деҳоти Эсанбой малахи «марокашӣ» хурӯҷ карда, ба зироатҳои кишоварзии хоҷагиҳои деҳқонӣ заминҳои наздиҳавлигии аҳолӣ ва чарогоҳҳо зарар мерасонд. Мутахассисон бар зидди малах аз тамоми имкониятҳо, аз ҷумла аз аппаратҳои дорупошӣ, тракторҳои ОВХ ва дигар таҷҳизотҳо истифода мебаранд. Дар ҷаласа нақшаи мушаххаси мубориза бар зидди малах мавриди баррасӣ ва тасдиқ гардид.
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
