АДАБИЁТ ОИНАИ ЗИНДАГИСТ

Душанбе,11 март.(АМИТ «Ховар», Ҳотам Рабиев).-«Адабиёт ва шинохти он»- чунин ном дорад китоби нави адабиётшинос Шамсиддин Солеҳов, ки онро Муассисаи нашриявии «Ирфон» бо теъдоди 500 нусха дастраси хонандагон намуд. Маҷмӯаи мазкур фарогири он мақолаҳои муаллиф мебошад, ки дар атрофи масъалаҳои гуногуни адабиёти аҳди Шӯравӣ ва адабиёти давраи Истиқлол таълиф гардидаанд. Махсусан мақолаҳои «Устод Айнӣ ва зуҳури насри реалистӣ», «Ҷойгоҳи китоб дар фарҳанги мардуми тоҷик», «Шахсияти миллӣ дар насри муосири тоҷик» ва дигар нигоштаҳои мудири шӯъбаи адабиёти муосири пажӯҳишгоҳи забон ва адабиёти Академияи илмҳои Ҷумҳурии Тоҷикистон Шамсиддин Солеҳов аст, ки хеле хонданбобу ҷолиб мебошад.