АМАЛИЁТИ ДОМАНАДОРИ ҲАРБӢ ДАР КАНДАҲОР

 Душанбе,  19 март. (АМИТ «Ховар»). —  Шаби  18  март  дар   вилояти  Кандаҳор  амалиёти  доманадори  ҳарбии ҷузъу  томҳои  артиши  Афғонистон  ва  қисмҳои  ҳарбии  хориҷӣ  оғоз  ёфт. Аз  дафтари  матбуоти  Вазорати  мудофиаи  Давлати  Исломии  Афғонистон  хабар  доданд, ки  ин дар  давоми  ду  моҳи  охир ин амалиёти дуюми  доманадори  ҳарбӣ  дар  қисми  ҷанубии  мамлакат  мебошад. Амалиёти нахустин  таҳти  унвони  «Муштарак»  бештар  аз як  моҳ  боз дар   вилояти  Ҳилманд  давом  дорад. Қисмҳои  ҳарбии  НАТО дар  ҷараёни  амалиёт барои  безарар  гардонидани  минаҳои  гузоштаи  силоҳбадастони  ҷунбиши  «Толибон»  тадбирҳо  меандешанд. Амалиёти  ҳарбӣ  дар  вилояти  Кандаҳор  дар  шароити  нисбатан  мураккаб  гузаронида  мешавад. Зеро  шароити  маҳал  имкон  намедиҳад, ки  қисмҳои  ҳарбии  хориҷӣ  ба  муқобили  дластаҳои  мусаллаҳи  «Толибон»  амалиёти  самарабахш  гузаронанд.