АЗ КАМБУДИҲО МЕНОЛАНД

Душанбе, 26 март. (АМИТ «Ховар», Лаззат Диловарзод).-Муваффақиятҳои Вазорати мелиоратсия ва захираҳои об агарчӣ хеле зиёданд, аммо аз кабудиҳои он ҳам  чашм пӯшидан мумкин нест ,- иброз доштанд дар вазорат ба мухбири АМИТ «Ховар». Бо сабаби маблағгузории нокифоя иншоот ва дастгоҳҳои обкашӣ, чоҳҳои амудӣ, шабакаҳои обёрии   дохилихоҷагӣ ва байнихоҷагиҳо, иншооти гидротехникӣ ва лавозимоти барқӣ, ки мӯҳлати истифодаашон 2- 3 маротиба гузаштааст ба пуррагӣ таъмир нагардидаанд. Сари вақт пардохт нагардидани  маблағи ҳаққи хизмати обрасонӣ ба пешрафти соҳа таъсири манфӣ мерасонад. Дар ҷумҳурӣ 225 ҳазор гектар заминҳо ба воситаи пойгоҳҳои обкашӣ обёрӣ карда мешаванд, ки зиёда аз 50 фоизи он силсилавӣ мебошанд. Аз байн бардоштани коэффисиенти мавсимӣ ва ҳар сол зиёдшавии тарифҳои энергияи барқ боиси зиёд гардидани қарз аз истифодаи нерӯи барқ дар пойгоҳҳои обкашии вазорат гардидааст.