БУНЁДИ БОҒҲОИ НАВ

Душанбе,  19 март. (АМИТ «Ховар», Покиза  Маҳмадбекова). – То  1  марти  соли  равон  дар  ҳамаи  хоҷагиҳои  мамлакат  дар  масоҳати 4595  гектар  боғҳои  нав  бунёд  карда  шуданд, ки  нисбат ба  ҳамин  давраи  соли  2009 ду  баробар  зиёд  мебошад.  Дар  боғҳои нав  миқдори  хеле  зиёди  ниҳолҳои  дарахтони  мевадиҳанда  ва  субтропикӣ  шинонида  шуд.   454  гектар   боғи  нав  дар  қитъаи  заминҳои  лалмӣ  бунёд  карда шуд. Аз  аввали  соли  равон то  имрӯз  дар  миқёси  ҷумҳурӣ  220  токзори нав  бунёд  карда  шуд, ки   нисбат ба  ҳамин  давраи   соли  гузашта  камтар  мебошад. 94  гектар   токзор  дар  заминҳои  лалмӣ  бунёд  карда шуд. Ғайр  аз  ин  дар  масоҳати 158  гектар  боғ ва  дар  масоҳати  9  гектар  токзорҳои  кӯҳна  барқарор  карда  шуданд.