ДАРСҲОИ КУШОД БАРОИ ОМӮЗГОРОН ВА ДОНИШҶӮЁН
Душанбе, 15 март. (АМИТ «Ховар», Лутфия Эшонқулова).- Бо ташаббуси шўъбаи илм ва муассисаҳои таълимии Вазорати фарҳанги Ҷумҳурии Тоҷикистон 15-16 март дар Консерваторияи миллии Тоҷикистон ба номи Т. Сатторов доктори илмҳои санъатшиносӣ, устоди Консерваторияи давлатии шаҳри Новосибирски Федератсияи Россия, профессор Мария Дрежина барои омўзгорони равияи мусиқӣ, донишҷўён ва аспирантҳо лексия ва дарсҳои кушод мегузаронад. Бояд қайд кард, ки чанде пеш Мария Дрежина барои омўзгорони Мактаб-интернати миёнаи махсуси мусиқии ҷумҳуриявии ба номи З. Шаҳидӣ, Мактаб-интернати миёнаи махсуси мусиқии ҷумҳуриявии М. Атоев ва Коллеҷи санъати ба номи А. Бобоқулов низ семинарҳои амалию методӣ гузаронида дар бораи педагогикаи мусиқӣ ва назарияи он лексия хонд. Ба қавли сардори шўъбаи илм ва муассисаҳои таълимии Вазорати фарҳанг Хуршед Низомов, ин гуна семинарҳо таҷрибаи устодону шогирдони муассисаҳои таълимии номбурдаро боз ҳам хубтар мегардонад. Дар ин бора ба АМИТ «Ховар» аз маркази матбуоти Вазорати фарҳанг хабар доданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
