КОНФРОНСИ ИЛМӢ БАХШИДА БА ИМОМ БУХОРӢ

Душанбе,  10 март. (АМИТ «Ховар»,  Таҳмина  Ғоибназарова). —  12  март  дар  толори  Академияи  илмҳои  ҷумҳурӣ  бахшида ба  1200 – солагии  рӯзи  таваллуди   мутафаккири  бузург ва  олими  барҷастаи  тоҷик, Имом Албухорӣ  дар  мавзӯи  «Имом Албухорӣ  ва  илми  ҳадис»  конфронси   илмии   ҷумҳуриявӣ  баргузор  мегардад.  Дар он  мутахассисони   соҳаҳои  фалсафаю  диншиносӣ,   шарқшиносӣ,  исломшиносӣ   ва  ғайра  иштирок  менамоянд.  Дар  конфронс  роҷеъ ба  фаъолияти  илмии   мутафаккири  бузург  18  маърӯза  хонда  мешавад.  Ба  иштирокчиёни  конфаронс   асари  илмии   мутафаккир  «Саҳеҳи Албухорӣ»  ба  забони  тоҷикӣ  тӯҳфа  карда  мешавад, ки ба  қарибӣ  чоп  шудааст.  Асари  мазкур  дар  олами  ислом  баъди  Қуръон  китоби  дуюми  муқаддас  ба  шумор  меравад.