МУТАХАССИСОНИ АФҒОН ДАР ХОРУҒ ТАҲСИЛ МЕКУНАНД

Душанбе, 4 март. (АМИТ «Ховар», Наталя  Михайлова). —   Дар филиали  Донишгоҳи  Осиёи  Марказӣ  дар  маркази  Вилояти  Мухтори  Кӯҳистони  Бадахшон  —  шаҳри  Хоруғ  барои тайёр  намудани  мутахассисон  аз  вилояти  Бадахшони  Афғонистон  курсҳои  дусола  кушода  шуданд. Ҷавонони  афғон  дар  ин  курсҳо  таҳсил  карда,  забони  англисӣ,  технологияи  компютерӣ,  ҳисобу  китоби  бухгалтерӣ  ва   хазинадориро   меомӯзанд. Таҳсил  дар  ин курсҳо  ба  ҷавонони  афғон  имкон  медиҳад, ки   дар  мамлакати  худ   кор  ёфта,  барои  пешрафти  иқтисодиёти он   хизмат  кунанд. Тибқи  нақша, Донишгоҳи  Осиёи  Марказӣ  ояндаи  наздик   дар  маркази   вилояти  Бадахшон —  шаҳри  Файзобод  филиали  худро  мекушояд. Барои таъмини  фаъолияти  курсҳои  мазкур  Агентии  рушди  байналмилалии  ИМА  маблағ  ҷудо  мекунад.