НИҲОЛШИНОНӢ ДАР АВҶ

Душанбе,11 март.(АМИТ «Ховар», Ҳотам Рабиев).-Кишоварзони ноҳияи Рӯдакӣ нақшаи бунёди боғу зардолуро сарбаландона иҷро карда, ба ҷои 2 гектари дар дурнамо буда, дар масоҳати 3 гектар ниҳоли  зардолу шинонида нақшаро бомуваффақият иҷро намуданд. Умуман дар хоҷагиҳои ноҳияҳои водии  Ҳисор то имрӯз дар масоҳати 237,1 гектар боғ ва дар 73,5 гектар токзор бунёд гардид. Мавсими ниҳолшинонӣ рӯз то рӯз суръати тоза мегирад, зеро тибқи фармони Президенти Ҷумҳурии Тоҷикистон №683 аз 27 августи соли 2009 «Дар бораи тадбирҳои иловагӣ доир ба рушди соҳаи боғу токпарварӣ дар Ҷумҳурии Тоҷикистон барои солҳои 2010-2014» дар ноҳияҳоии тобеи ҷумҳурӣ дар масоҳати 760 гектар боғу токзор бунёд гардад.