ТАЙЁРӢ БА НАВРӮЗ

 Ваҳдат, 15 март. (АМИТ «Ховар», Зебо  Давлатова). — Аз гуфтаи      раиси шаҳри Ваҳдат Руқия Раҳматзода ба хабарнигори АМИТ «Ховар» маълум гардид, ки бахшида ба иди  Наврӯз аз ҷониби кооперативи истеҳсолии «Ёқут-Боғбунёд» таҳти роҳбарии Абдуҳалим Қодиров, дар майдони 32 гектар боғи токзор бунёд карда шуд, ки дар натиҷа бештар аз 200 нафар оила бо кор таъмин мегарданд. Инчунин дар шоҳроҳи Душанбе — Данғара нақби Чормағзак дар якҷоягӣ бо мутахассисони Чин корро оғоз менамоянд, ки дар ин рӯз Президенти кишвар Эмомалӣ  Раҳмон иштирок намуд.            Руқия Раҳматзода афзуд,ки рӯзи 17 март дар деҳаи Сангпар-и ҷамоати Дӯстии шаҳри Ваҳдат базми Наврӯзӣ баргузор мегардад, ки дар он намояндагони мақомоти маҳаллии шаҳр иштирок менамоянд. Рӯзи 21 март дар маркази боғи фароғатию фарҳангии шаҳр таҷлили иди Наврӯз ботантана ҷашн гирифта мешавад. Дар ин рӯз аз тамоми ташкилоту муассисаҳо ва ҷамоатҳои ҳудуди шаҳр иштирок менамоянд, ки дар он гузаронидани тӯи сунатии камбизоатону бепарастон, эҳё  намудани суннатҳои қадимаи мардумӣ, барномаҳои ҷолиби консерти аз ҷониби ҳунармандон ва гӯштингирӣ ба маърази тамошобинон гузошта мешавад.