«ҲАФТАИ КИТОБ» ДАР РОШҚАЛЪА

Бадахшон, 9 апрел. (АМИТ «ХОВАР», Лутфишо Додо).- Ба хотири баланд бардоштани сатҳу сифати китобхонаҳо, ҷалби бештари кӯдакону наврасон ба китобхонӣ, ташвиқу тарғиби мероси гаронбаҳои фарҳанги миллӣ ва дастовардҳои илмию техникӣ дар байни онҳо, аз 2 то 9-уми апрел дар саросари ҷумҳурӣ, аз ҷумла дар шаҳру навоҳии ВМКБ  «Ҳафтаи китоби кӯдакону наврасон» баргузор гардид. 7 апрел  чунин чорабинӣ дар хонаи фарҳанги ноҳияи Роштқалъа доир шуд, ки дар он хонандагони мактабҳои 25, 26, 27  ширкат варзиданд. Дар «Ҳафтаи китоби кӯдакону наврасон» эҷодиёти адибон ба намоиш гузошта шуда буд, аз онҳо иштирокдорон дидан намуда, баҳра бардоштанд.