БОҒҲОИ НАВ БУНЁД МЕШАВАНД

Рашт, 1 апрел. (АМИТ «Ховар», М. Ризвонов). – Дар ноҳияи Рашт ба рушди соҳаи боғдорӣ диққати махсус дода мешавад. Дар мавсими имсолаи ниҳолшинонӣ боғдорони ноҳия тасмим гирифтанд, ки дар майдони 25 га боғҳои нави себ, нок, зардолу ва шафтолу бунёд намояд. Баҳри иҷрои ин нақша ба боронҳои пай дар пай нигоҳ накарда боғдорони ноҳия то ин дам зиёда аз 22,5 гектар боғҳои нав бунёд намуданд. Рафти бунёди боғҳо дар хоҷагиҳои деҳқонии «Наимӣ», Манзар Шариф, Умарӣ, Эшмуҳамадов ва дигарон бо суръати баланд идома дорад, — гуфт зимни сӯҳбат сарзироатчии раёсати кишоварзии ноҳияи Рашт Маҳмадамин Ҷомидов.