БОЛОРАВИИ НАРХИ МАҲСУЛОТИ САНОАТӢ БА ЧӢ ВОБАСТА АСТ?

Душанбе, 6 апрел. (АМИТ «Ховар», Лаззат Диловарзод).- Бино ба маълумоти Вазорати рушди иқтисод ва савдо, дар моҳи феврали соли 2010 индекси нархҳои истеҳсолкунандахои маҳсулоти саноатӣ 102,5 фоизро ташкил дод, ки ин аз сабаби болоравии нархи маҳсулот дар саноати сабук ба андозаи 43,0 фоиз, саноати мошинсозӣ — 9,9, саноати сӯзишворӣ — 6,8 ва саноати масолеҳи сохтмон – 1,6 фоиз ба миён омадааст. Зимнан пастравии нархи маҳсулоти саноатӣ металлургияи ранга – 9,1 фоиз, ва саноати орду ярма – 2,8 фоиз ба қайд гирифта шудааст. Дар саноати сабук болоравии нарх ба қиматшавии нархи маҳсулоти саноати пахтатозакунӣ 56,4 фоиз ва саноати кешбофӣ 1,7  фоиз алоқаманд буда, дар саноати машинасозӣ ба 15,9 фоиз баланд рафтани нархи маҳсулоти кабелӣ ва дар саноати сохтмон ба 4 фоиз қимат шудани нархи семент вобаста аст,- иброз доштанд дар вазорати мазкур.