БУНЁДИ БОҒҲО ДАР ҶУМҲУРӢ ДАВОМ ДОРАД

Душанбе, 13 апрел. (АМИТ «Ховар», Лаззат Диловарзод).-  Бино ба гуфти сардори маркази матбуот ва иттилооти Вазорати кишоварзӣ Нарзулло Додобоев, то 12 –уми апрели соли 2010  дар масоҳати 12 ҳазору 125 га боғ бунёд карда шудааст, ки 100,3 фоизи дурнаморо ташкил медиҳад. Аз ин ҳисоб дар майдони 5754 гектар боғи зардолу ва 786 гектар токзор бунёд карда шудааст. Бунёди боғу токзор дар вилояти Хатлон 5973 гектар, дар влояти Суғд – 5384 ва дар ноҳияҳои тобеи ҷумҳурӣ дар ин муддат 760 гектарро ташкил медиҳад, ки мутаносибан  баробари 101,9,-  99 ва 101 фоизи нақша  мебошад.