КОНФРОНСИ БАЙНАЛХАЛҚӢ ДАР РИО – де — ЖАНЕЙРО

Душанбе,  29 апрел. (АМИТ «Ховар», Наталя  Михайлова). —  Имрӯз  дар   пойтахти  Бразилия – шаҳри  Рио – де – Жанейро  конфронси  27 – уми  ҳарсолаи  байналмилалӣ  бахшида ба   масъалаҳои  мубориза ба  муқобили  маводи  нашъадор  анҷом  меёбад. Аз  Тоҷикистон  дар  конфронси мазкур   директори Агентии  назорати  маводи  нашъадори  назди  Президенти  ҷумҳурӣ, генерал – лейтенанти  милиса  Рустам  Назаров  иштирок  дорад. Конфронси  26 —  уми  мазкур  соли  2008  дар  Истамбул  баргузор  гардида буд. Тоҷикистон  дар  ҳамин  ҷо  узви доимӣ  ва  комилҳуқуқи  он гардид.  Конфронси  зикршуда  айни  ҳол  90 мамлакати  ҷаҳонро  муттаҳид  месозад. Ҳадафи  асосии  он  мубодилаи  маълумот   ва   ҳамоҳанг  сохтани  мубориза  ба  муқобили  хариду  фурӯши  ғайриқонунии  маводи  нашъадор  мебошад.