МУСТАФО БА МАҚСАД НАРАСИД

        Душанбе, 9 апрел. (АМИТ “Ховар”, Жасмин Назарова). – Дар натиҷаи гузаронидани чораҳои фаврӣ-ҷустуҷўӣ дар ҳудуди деҳаи Қизилтеппаи ноҳияи Фархори вилояти Хатлон шаҳрванди Ҷумҳурии Исломии Афғонистон Мустафо Валади Машафӣ, соли таваллудаш 1942, истиқоматкунандаи вилояти Тахор ноҳияи Янгиқалъаи Афғонистон дастгир карда шуд.  Тавре аз дафтари матбуоти Вазорати корҳои дохилии ҶТ иттилоъ доданд, ҳангоми азназаргузаронии борхалтаи ў дар халтаи полиэтиленӣ маводи нашъадори навъи бангдона, ки вазнаш 42 кг 600 гр ва 7 кг 540 гр маводи сахттаъсири героинро, дарёфт ва мусодира карда шуд. Нисбати ин далел парвандаи ҷинои оғоз шуда, тафтишот идома дорад.