РАФТИ КИШТИ БАҲОРӢ ДАР ХОҶАГИҲОИ ДЕҲҚОНӢ

Душанбе, 29 апрел. (АМИТ «Ховар», Лаззат Диловарзод).- Бо иттилои маркази матбуоти Вазорати кишоварзӣ, соли ҷорӣ нақшаи кишти баҳорӣ дар хоҷагиҳои дехқонӣ (фермерӣ) –и ҷумҳурӣ 432 ҳазору 362 гектарро ташкил медиҳад, ки иҷрои он ба 225 ҳазору 52 гектар расонида шудааст. Тибқи дурнамои Вазорати кишоварзӣ, соли ҷорӣ дар масоҳати 118 ҳазору 843 гектар гузаронидани  кишти зироатҳои ғалладонагӣ пешбинӣ шудааст, ки аз он 59 ҳазору 613 гектарашро кишти баҳории гандум ташкил медиҳад. То 19 – уми апрели соли ҷорӣ дар майдони 87 ҳазору 646 гектар кишти ғалладона гузаронида шудааст, ки 48 ҳазору 266 гектараш  кишти гандуми баҳорӣ  мебошад.