РОҲИ НАВИ ҲАВОӢ КУШОДА ШУД

Душанбе,  13 апрел. (АМИТ «Ховар», Лутфия  Эшонқулова). —  Ширкати  ҳавонавардии «Сомон Эйр» барои  зиёд  кардани  парвози  ҳавопаймоҳо  ба  мамлакатҳои  дуру  наздик  тадбирҳои  судбахш  меандешад. Ҳавопаймои  нахустини  ширкат  12  апрел   аз  шаҳри  Хуҷанд ба  шаҳри Екатеринбург  парвоз  кард.  Бо ин  ҳавопаймо  176   мусофир ба  Русия  рафт. Ҳавопаймоҳои  мусофирбар   аз  Хуҷанд  ба  Екатеринбург  ҳар  ҳафта  як  маротиба  рӯзи  душанбе  парвоз  мекунанд.  Дар  байни  Хуҷанд  ва  Екатеринбург  ҳавопаймоҳои  «Боинг -737»  истифода бурда  мешаванд. Мухбири  АМИТ «ховар»  хабар  медиҳад, ки  айни  ҳол ҳавопаймоҳои  мусофирбари «Сомон Эйр»  аз  шаҳри  Душанбе  ба  Маскав, Санкт – Петербург,  Оренбург,  Дубай, Франкфурти лаби  Майн, Истамбул,  Красноярск,  Хуҷанд ва  аз шаҳри  Хуҷанд ба  Санкт – Петербург,  Красноярск ва  Екатеринбург  парвоз  менамоянд.