САҲМИ МАОРИФЧИЁН ДАР НЕРӮГОҲИ РОҒУН

Файзобод, 5 апрел. (АМИТ «Ховар», Зебо Давлатова). — Тавре, ки мудири шўъбаи маорифи ноҳияи Файзобод Маҳмадулло Аминов ба хабарнигори АМИТ «Ховар» иттилоъ дод, аз 6-уми феврали соли ҷорї  инҷониб, баҳри ба истифода додани НОБ-Роғун маорифчиёни ноҳияи Файзобод бетараф наистода, саҳмияҳои онро харидорї намуда истодаанд. Бояд гуфт, ки ҳар моҳ дастаҷамъона коллективи маорифчиёни ноҳия марафон  гузаронида ба маблағи 40 ҳазор сомонӣ саҳмияҳои НОБ-и Роғунро харидорї менамоянд. Маҳмадулло Аминов афзуд, ки аз оғози марафон то имрӯз маорифчиёни ноҳияи Файзобод зиёда аз 200 ҳазор сомонӣ саҳмия харидорӣ намуданд, ки ин ҳадди охирин нест. Мо ният дорем, ки то ба истифода додани агрегати якум  ва дуюм  саҳми хешро оид ба бунёди  нерӯгоҳи Роғун гузорем.