СОБИҚ РАИСИ МН МО ҶТ РАИСИ КОМИССИЯИ ММ МО ҶТ ИНТИХОБ ШУД

Душанбе, 23 апрел.(АМИТ «Ховар», Марзия Саидова).- Дар ҷараёни баргузории иҷлосияи нахустини Маҷлиси миллии Маҷлиси Олии Ҷумҳурии Тоҷикистон, ки 23 апрел дар шаҳри Душанбе баргузор шуд Мамадшо Илолов раиси Кумитаи таъмини асосҳои конститутсионӣ, ҳуқуқу озодиҳои инсон, шаҳрванд ва қонуният интихоб шуд. Раисии Кумита оид ба ҳамоҳангсозии фаъолияти Маҷлиси миллӣ бо Маҷлиси намояндагон, ҳокимияти иҷроия, иттиҳодияҳои ҷамъиятӣ, васоити ахбори умум, робитаҳои байнипарулмонӣ ба ӯҳдаи Муним Холиқов вогузор гардид. Роҳбари Дастгоҳи иҷрояи Президенти мамлакат Матлубхон Давлатов, ки дар асоси Фармони Президенти ҷумҳурӣ аз 29 марти соли 2010 узви Маҷлиси миллӣ таъин гашт,  раиси кумитаи иқтисодиёту коммуникатсия интихоб шуд. Раисии Кумита оид ба масъалаҳои аграрӣ, шуғли аҳолӣ ва экология ба ӯҳдаи Давлатшо Гулмаҳмадов вогузор гардид. Ректори Донишгоҳи давлатии тиббии Тоҷикистон Убайдулло Қурбонов раиси Кумитаи Маҷлиси миллӣ оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати байни ҷавонону занон дар ҷомеа интихоб гардид. Собиқ раиси Маҷлиси намояндагони Маҷлиси Олии ҷумҳурӣ Сайдулло Хайруллоев, ки бо Фармони Президенти мамлакат узви Маҷлиси миллӣ таъин шудааст,  раиси Комиссияи Маҷлиси миллӣ оид ба назорати дастур интихоб шуд.