ТОҶИКОБОД АЗ РӮИ НАҚШАИ ГЕНЕРАЛӢ СОХТА МЕШАВАД

Душанбе, 27 апрел. (АМИТ «Ховар», Лаззат Диловарзод).-  Дар Агентии сохтмон ва меъмории назди Ҳукумати Ҷумҳурии Тоҷикистон ба мухбири АМИТ «Ховар» иттилоъ доданд, ки нақшаи сохтмони генералии маркази ноҳияи Тоҷикобод бо Қарори Ҳукумати Ҷумҳурии Тоҷикистон таҳти рақами 168 аз 30 – юми марти соли 2010 тасдиқ гардид. Инчунин таҳияи нақшаҳои генералии маркази шаҳри Хуҷанд ва шаҳри Хоруғ  ба анҷом расонида шуда, дар мувофиқа бо вазорату идораҳои ҷумҳуриявӣ барои тасдиқ ба Ҳукумати ҶТ пешниҳод карда шудааст. Нақшаҳои генералии  шаҳраки Сомониёни ноҳияи Рӯдакӣ, шаҳри Қӯрғонтеппа, нақшаҳои муфассали шаҳрҳои Турсунзода ва Данғара мавриди таҳия қарор дошта, дар мӯҳлатҳои пешбинишуда омода карда мешаванд.