ҲОЛАТИ 1974 ГА ЗАМИН БЕҲТАР КАРДА ШУД

Душанбе, 18 май. (АМИТ «Ховар», Лаззат Диловарзод).- Доир ба беҳтар намудани вазъи  мелиоративии заминҳои обёишавандаи кишоварзии Ҷумҳурии Тоҷикистон барои солҳои 2010 -2014 дар 4 моҳи соли ҷорӣ ба маблағи 1миллиону 166 ҳазор сомонӣ корҳои мелиоративӣ ба анҷом рсонида шуда, ҳолати мелиоративии 1974 га заминҳои кишоварзӣ беҳтар гардонида шуданд, ки мутаносибан 17 ва 20 фоизи нақшаи солонаро ташкил  медиҳанд. Бо қарори Ҳукумати Ҷумҳурии Тоҷикистон аз ҳисоби маблағҳои мутамарказ барои корҳои сохтмони асосии соли ҷорӣ 8 млн. сомонӣ, аз ҷумла барои корҳои сохтмонию васлкунӣ 7 млн. 39 ҳазор сомонӣ ҷудо карда шудааст. Тибқи нақша, дар соли ҷорӣ 900 га заминҳои нав азхуд карда шуда, ҳолати  мелиоративии 270 га замин беҳтар гардонида  мешавад,- иброз доштанд дар Кумитаи заминсозӣ,харитасозӣ ва геодезии назди Ҳукумати Ҷумҳурии Тоҷикистон ба мухбири АМИТ «Ховар».