ҲУКУМАТИ ҶОПОН ДЕҲОТИ ТОҶИКИСТОНРО ОБОД МЕКУНАД
Душанбе, 25 май. (АМИТ «Ховар», Наталя Михайлова). – Дар доираи кӯмаки Ҳукумати Ҷопон ба Тоҷикистон дар ноҳияи Ҷилликӯл 5 гармхона сохта шуд. Гармхонаҳои мазкур имрӯз ба истифода дода шуданд. Дар маросими ифтитоҳи онҳо иҷрокунандаи вазифаи сафири Ҷопон дар Тоҷикистон Йошихиро Накаяма ва раиси ноҳияи Ҷилликӯл Маҳмадраҳим Исмоилов ширкат варзиданд. Барои сохтани гармхонаҳо 81 ҳазору 433 доллари ИМА сарф шуд. Ба туфайли онҳо аҳолии маҳаллӣ, маркази вилоят ва пойтахти мамлакат дар 4 фасли сол бо маҳсулоти тару тоза таъмин карда мешаванд. Тибқи нақша дар гармхонаҳо асосан сабзавот парвариш карда мешавад. Инчунин бо кӯмаки Ҳукумати Ҷопон дар ҷамоати Араби ноҳияи Панҷ бинои нави мактаби миёна сохта шуд. Барои сохтмони мактаб 84 ҳазору 641 доллари ИМА сарф шуд. Бо маблағи ҷудонамудаи Ҳукумати Ҷопон барои Ассосиатсияи истифодабарандагони оби Сармантои ноҳияи Панҷ ба маблағи 85 ҳазору 614 доллар техникаи кишоварзӣ, аз ҷумла тракторҳо ва экскаватор харида шуд. Мухбири АМИТ «Ховар» ёдовар мешавад, ки Ҳукумати Ҷопон аз соли 1996 то имрӯз дар доираи расонидани кӯмак ба Тоҷикистон барои амалӣ сохтани 250 барнома 16,9 миллион сомонӣ ҷудо намудааст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
