ДАР СУҒД МАТБАА МЕСОЗАНД

Хуҷанд, 5 май. (АМИТ «Ховар», Мирзалӣ Амонов). —  Соли ҷорӣ барои сохтмони иншооти ба Идораи сохтмони асосии мақомоти иҷроияи ҳокимияти давлатии вилояти Суғд тааллуқдошта 15247,9 ҳазор сомонӣ аз буҷаи вилоят пешбинӣ шудааст. Аз ҷумла, сохтмони як чанд мактаб барои 240 нафар хонанда дар ноҳияҳои Мастчоҳ, Спитамен, Исфара, Зафаробод, истироҳатгоҳи бачагона дар ноҳияи Ҷ.Расулов, хонаи истиқоматии 45 хуҷрадор дар шаҳри Хуҷанд, таваллудхонаи дорои 35 кат дар ноҳияи Шаҳристон, ҳавзи шиноварӣ дар шаҳри Хуҷанд ва бинои матбаа, ки соли равон оғоз гашта, то 20-солагии ҷашни Истиқлолият мавриди истифода қарор мегиранд. Бинои матбаа дорои утоқҳои кории барҳавои замонавӣ ва толорҳои бузурги маҷлисгузаронӣ буда, дар таҳхонаи бино матбаа ҷойгир шудааст.