ДАР СУ&#1170Д ЯГОН БЕМОРИ ФАЛАҶИ ҲАРОММАҒЗ БА ҚАЙД ГИРИФТА НАШУДААСТ

Хуҷанд,  20 май. (АМИТ «Ховар»,  Санавбар  Мақсудова). —  Сармутахассиси  раёсати  тандурустии  вилояти  Суғд  Фахриддин  Ҳакимов  ба  муҳбири  АМИТ «Ховар»  хабар  дод, ки  дар  вилоят  даври  дуюми  дорудиҳӣ ба бачагони  то  сини  6 —  сола  барои  пешгирии  бемории  фалаҷи  ҳароммағз  бомуваффақият оғоз  ёфт. Қайд  карда шуд, ки  дар  миқёси  вилоят  319  ҳазору  787  бачагони  то  6 – сола  зиндагӣ  мекунанд.   Дар ҷараёни  даври  аввали  дорудиҳӣ аз 4  то  8  май   ба  318  ҳазору  310   нафар   дору  дода шуд.  Даври  дуюми  дорудиҳӣ  18  май  оғоз  ёфт ва то  22  май  давом  мекунад. Ф.Ҳакимов   афзуд, ки  то  имрӯз  дар   вилояти  Суғд  ягон  бемори  гирифтори  фалаҷи  ҳароммағз  ба  қайд  гирифта нашудааст.  Бо  вуҷуди  ин   ба  ҳамаи  бачагони  то  6 – сола  дар  се  давра   дору  дода  хоҳад  шуд.  Бо  ин  мақсад  дар  саросари  вилоят  148  бунгоҳи доимоамалкунандаи  дорудиҳӣ  ва  192  гурӯҳи  таъҷилии  кормандони тиб  ташкил  карда шуд.